Africaના Energy Projectમાં ભારતની એન્ટ્રી! Dangote Groupના ₹4,300 કરોડનો મોટો ઓર્ડર મળ્યો

Dangote Group East Africaની વધતી ઈંધણ માંગને પહોંચી વળવા માટે Kenyaમાં આધુનિક ગ્રીનફિલ્ડ રિફાઇનરી (Greenfield refinery) અને પેટ્રોકેમિકલ (Petrochemical) પ્લાન્ટ સ્થાપી રહ્યું છે. આ પ્રોજેક્ટની ક્ષમતા 700,000 બેરલ પ્રતિ દિવસ (BPD) રહેશે. પ્લાન્ટ શરૂ થયા બાદ East Africaમાં પેટ્રોલિયમ ઉત્પાદનોનું સ્થાનિક ઉત્પાદન વધશે, આયાત પર નિર્ભરતા ઘટશે અને પ્રદેશની ઊર્જા સુરક્ષા મજબૂત બનશે. આ ઉપરાંત, રિફાઇનરીમાંથી તૈયાર થનારા પેટ્રોલિયમ ઉત્પાદનો વૈશ્વિક બજારોમાં પણ સપ્લાય કરવામાં આવશે.

આ પ્રોજેક્ટ માટે Dangote Groupએ Engineers India Limitedને Project Management Consultant (PMC) અને Engineering, Procurement and Construction Management (EPCM) Consultant તરીકે પસંદ કરી છે. કંપનીએ જણાવ્યું કે Dangote Groupએ EILની એન્જિનિયરિંગ અને પ્રોજેક્ટ મેનેજમેન્ટ ક્ષમતામાં વિશ્વાસ વ્યક્ત કરીને આ કરાર કર્યો છે.

EIL અને Dangote Group વચ્ચે અગાઉથી પણ ભાગીદારી રહી છે. EILએ Nigeriaના Lekki Free Zone ખાતે બનેલી 650,000 BPD ક્ષમતાવાળી Dangote Refinery and Petrochemical Complex માટે PMC અને EPCM કન્સલ્ટન્ટ તરીકે કામ કર્યું હતું. આ રિફાઇનરી હવે કાર્યરત થઈ ચૂકી છે. આ ઉપરાંત, Dangote Refineryની ક્ષમતા વધારીને 1.4 મિલિયન BPD કરવાની વિસ્તરણ યોજનામાં પણ EIL જોડાયેલી છે.

મોટા આંતરરાષ્ટ્રીય ઓર્ડરની જાહેરાત બાદ Engineers Indiaના શેરમાં ખરીદી જોવા મળી હતી. BSEના ડેટા અનુસાર, રિપોર્ટિંગ સમયે EILનો શેર આશરે ₹302.80 પર ટ્રેડ થઈ રહ્યો હતો, જે અગાઉના બંધ ભાવ ₹285.10થી ₹17.70 અથવા 6.21%નો વધારો દર્શાવે છે. આ દરમિયાન શેરે આજે ₹304.60ની 52 સપ્તાહની નવી ઊંચી સપાટી પણ બનાવી હતી. Dangote Group નાઇજીરિયાની મલ્ટિનેશનલ કંપની છે, જે ઓઈલ અને ગેસ, માઇનિંગ, પેટ્રોકેમિકલ્સ, ફર્ટિલાઇઝર, સિમેન્ટ, શુગર અને ફૂડ જેવા ક્ષેત્રોમાં કાર્યરત છે. કંપનીનો બિઝનેસ આફ્રિકાના 17 દેશોમાં ફેલાયેલો છે અને તે ખંડની સૌથી મોટી ઔદ્યોગિક કંપનીઓમાંની એક છે.

આ પણ વાંચો: SS Retail IPO Listing: શેરનો 51% પ્રીમિયમ સાથે ધમાકેદાર ડેબ્યૂ

આ પણ જુઓ:

Watch onYouTube